1 Եւ ես ասեցի. Մէկ լսեցէք, ով Յակոբի գլխաւորներ, եւ Իսրայէլի տան իշխաններ, ա չէ՞ որ դուք պէտք է իմանաք իրաւունքը. 2 Դուք՝ բարին ատողներդ եւ չարը սիրողներդ, որ մաշկում էք մարդկանց կաշին իրանց վերայիցը, եւ նորանց միսը իրանց ոսկորներիցը։ 3 բ Որ ուտում էք իմ ժողովրդի միսը, եւ պլոկում էք նորանց կաշին իրանց վերայիցը, եւ նորանց կտորում ինչպէս գ կաթսայում եւ ինչպէս միս՝ պտուկի մէջ։ 4 Այն ժամանակ դ կ’աղաղակեն դէպի Տէրը, եւ նորանց չի պատասխանել նա, եւ իր երեսը կ’ծածկէ նորանցից այն ժամանակին, որովհետեւ նորանք չարացրել են իրանց արարքները։
5 Այսպէս է ասում Տէրը ե իմ ժողովուրդը մոլորեցնող մարգարէների մասին, զ որ կծում են իրանց ատամներովը, եւ աղաղակում՝ Խաղաղութի՜ւն, եւ է ով որ նորանց բերանը մի բան չ’դնէ, նորա դէմ պատերազմ կ’հրատարակեն. 6 ը Վասն որոյ գիշեր կ’լինի ձեզ որ տեսիլք չ’տեսնէք. Եւ ձեզ խաւար կ’լինի որ գուշակութիւն չ’անէք. Եւ թ արեգակը պիտի մար մտնէ մարգարէների վերայ, եւ օրը խաւարէ նորանց վերայ։ 7 Եւ պիտի ամաչեն տեսանողները, եւ պիտի ամօթահարուին գուշակողները եւ իրանց շրթունքները ծածկեն նորանք ամենքը, ժ որովհետեւ չ’կայ Աստուծոյ պատասխան։ 8 Սակայն ես լցուած եմ զօրութիւնով՝ Տիրոջ հոգովը, նաեւ դատաստանով ու արիութիւնով, որ ի իմացնեմ Յակոբին իր յանցանքը, եւ Իսրայէլին՝ իր մեղքը։
9 Մէկ սա լսեցէք, ով Յակոբի տան գլխաւորներ, եւ Իսրայէլի տան իշխաններ, իրաւունքից զզուողներ, որ ամեն ուղիղ բանը ծռում էք. 10 լ Սիօնը խ արիւնահեղութեամբ շինելով, եւ Երուսաղէմը՝ անիրաւութեամբ։ 11 ծ Նորա գլխաւորները կաշառքով են դատում եւ կ նորա քահանաները վարձքով են սովորեցնում, եւ նորա մարգարէները փողով են մարգարէանում, եւ հ Տիրոջ վերայ են կռնում՝ ասելով. Չէ՞ որ Տէրը մեր մէջն է մեզ վերայ չարիք չի գալ։ 12 Դորա համար Սիօնը ձեր պատճառով պիտի ձ իբրեւ ագարակ հերկուի, եւ ղ Երուսաղէմը աւերակների դէզեր դառնայ, եւ ճ տաճարի սարը՝ անտառի բարձրաւանդակներ։
Միքիա 3